| Ola! Ano 2017: Nace en Allariz un proxecto cultural que quere cumprir o soño de editar libros. Libros interesantes, bonitos, que namoren tanto polo seu contido coma pola súa forma. Este proxecto ten nome propio, Aira editorial, e susténtase grazas ao apoio e compromiso de persoas, persoas coma ti, que compran os nosos libros nas librarías e, especialmente, decidiron facerse mecenas. Gustaríanos seguir dándolle continuidade a este soño. Por iso pomos en marcha a nosa campaña anual de mecenado, até o 30 de abril de 2024. No próximo Nadal publicaremos un novo 'Clásico Ilustrado', coma sempre un título imprescindible da literatura universal, cunha nova tradución ao galego, e en edición de luxo a toda cor con fermosas ilustracións. Este ano o libro elixido é Suite francesa, da autora francesa Irène Némirovsky, unha inesquecible novela traducida por Samuel Solleiro e ilustrada por MeliMolita. A estas alturas preguntaraste...como podo participar? É moi doado, só tes que facerte mecenas na nosa web e así adentrarte no mundo Aira co que obterás: - Un exemplar do clásico ilustrado do ano + marcafollas e postal.
- Unha lámina ilustrada (edición exclusiva, asinada e numerada) obra do ilustrador/a do clásico ilustrado do ano e ambientada no universo literario do libro.
- Acceso exclusivo e en primicia aos avances nos traballos de ilustración do clásico + adianto de fragmentos traducidos.
- Que o teu nome (ou de quen decidas) apareza na páxina de Mecenas do clásico ilustrado do ano.
- Desconto do 20% por cada clásico ilustrado que queiras mercar a maiores antes da saída ao mercado.
Ademais destas e da recompensa que xa de por si supón ser mecenas, converte a persoa en membro do club de pleno dereito con vantaxes tan atractivas como : - 20% de desconto por compras de libros en prevenda.
- Desconto do 5% permanente en libros (10% o día do libro).
- 25% desconto permanente no resto de produtos da tenda.
Aínda tes dúbidas?
| | As dez primeiras persoas que se dean de alta como mecenas recibirán como agasallo o libro Vidas imaxinarias, de Marcel Schwob, con ilustracións de 22 artistas de primeiro nivel, e mais a nova lámina de Rosalía en formato A3 (estes agasallos serán enviados co resto de recompensas do mecenado). Lembrade, esta campaña remata o vindeiro 30 de abril de 2024. Únete a este apaixonante proxecto. Estamos certos de que non te vas arrepentir. Apertas de parte de todo o equipo de Aira. | | | | |
